येवला | प्रतिनिधी नाशिक
नाशिक: लाचलुचपत प्रतिबंधक विभागाने (ACB) येवला वनपरिक्षेत्र कार्यालयात टाकलेल्या सापळ्यात एकाचवेळी आठ कर्मचाऱ्यांना रंगेहात पकडल्याने संपूर्ण वनविभागात मोठी खळबळ उडाली आहे. झाड तोडण्याच्या परवानगीसाठी मोठ्या रकमेची लाच मागितल्याच्या तक्रारीनंतर ACBने गोपनीय पडताळणी करत नियोजनबद्ध सापळा रचला आणि लाचेची रक्कम स्वीकारताना कर्मचाऱ्यांना जाळ्यात अडकवले.
मिळालेल्या प्राथमिक माहितीनुसार, तक्रारदाराला आपल्या वनक्षेत्र हद्दीत काही झाडे तोडण्यासाठी अधिकृत परवानगी आवश्यक होती. नियमानुसार प्रक्रिया पूर्ण असतानाही संबंधित कर्मचाऱ्यांनी परवानगी देण्यासाठी मोठ्या रकमेची मागणी केली. लाच देण्यास नकार देत तक्रारदाराने थेट नाशिक ACBकडे तक्रार नोंदवली.
तक्रारीची खातरजमा केल्यानंतर ACBच्या पथकाने येवला वनपरिक्षेत्र कार्यालयात अत्यंत गोपनीयतेने सापळा रचला. ठरल्याप्रमाणे तक्रारदाराने लाचेची रक्कम देताच पथकाने छापा टाकत एकापाठोपाठ एक अशा आठ जणांना रंगेहात पकडले.
या कारवाईची बातमी वाऱ्यासारखी पसरताच येवला परिसरासह वनविभागात प्रचंड खळबळ उडाली. अटकेत असलेल्या कर्मचाऱ्यांमध्ये काही वरिष्ठ अधिकाऱ्यांचाही समावेश असल्याची चर्चा सुरू आहे. मात्र, अधिकृतरीत्या नावे जाहीर करण्यात आलेली नाहीत.
सर्व संशयितांविरुद्ध उशिरापर्यंत गुन्हा दाखल करण्याची प्रक्रिया सुरू होती. एकाच वेळी आठ शासकीय कर्मचारी लाचखोरीत अडकल्याने ही कारवाई नाशिक जिल्ह्यातील वनविभागावरील आतापर्यंतची सर्वात मोठी धडक कारवाई मानली जात आहे.
ACBने अटकेत घेतलेल्या कर्मचाऱ्यांची कसून चौकशी सुरू केली असून या प्रकरणात आणखी काही धागेदोरे समोर येण्याची शक्यता व्यक्त केली जात आहे.
संपादक: अरुण चंद्रभान गायकवाड,9422952513,
उपसंपादक: ज्ञानेश्वर यशवंत सांगळे,9637100608
Author: Aone News Maharashtra
जनतेच्या न्याय हक्का साठी Aone News Maharashtra aonenewsmaharashtra.in आपले स्वागत आहे! आम्ही एक अग्रगण्य आणि विश्वासार्ह बातम्या प्रकाशक आहोत, जे तुम्हाला ताज्या बातम्या, क्रीडा, विज्ञान, तंत्रज्ञान, मनोरंजन, आरोग्य आणि इतर महत्त्वाच्या घटनांबद्दल अपडेट्स पुरवत आहेत. तुम्हाला अचूक आणि विश्वासार्ह बातम्या देण्याचा आमचा उद्देश आहे, जेणेकरून तुम्ही जगात काय चालले आहे ते जाणून घेऊ शकता.आमच्या कार्यसंघामध्ये अनुभवी पत्रकार, लेखक आणि वृत्त व्यावसायिकांचा समावेश आहे ज्यांना त्यांच्या क्षेत्रातील कौशल्य आहे आणि ते तुम्हाला सर्वोत्तम बातम्या सेवा देण्यासाठी वचनबद्ध आहेत. आम्ही सचोटीने, न्यायाने आणि स्वातंत्र्याने बातम्या प्रकाशित करतो, जेणेकरून तुम्हाला आमच्याद्वारे खरी आणि निर्णायक माहिती मिळू शकेल. बातम्या आणि माहितीच्या माध्यमातून समाजाला शिक्षित करणे, समृद्धी आणि प्रगतीकडे मार्गदर्शन करणे हे आमचे ध्येय आहे.आम्ही तुम्हाला नेहमीच पाठिंबा देण्यासाठी येथे आहोत आणि आम्ही तुमच्या सूचना आणि अभिप्रायाचे स्वागत करतो.आम्ही तुम्हाला बातम्यांच्या जगात अद्ययावत राहण्यात मदत करूतो, आमच्या वेबसाइटला भेट दिल्याबद्दल धन्यवाद.......
