नाशिक/पाचोरे खुर्द प्रतिनिधी उपसंपादक ज्ञानेश्वर सांगळे
एकीकडे सरकार पटसंख्येचे कारण देऊन सरकारी शाळा बंद करण्याच्या तयारीत असताना, दुसरीकडे नाशिक जिल्ह्यातील पाचोरे खुर्द येथील जिल्हा परिषद शाळेने राज्यस्तरीय मंथन परीक्षेत घवघवीत यश मिळवून सरकारी शाळांची गुणवत्ता सिद्ध केली आहे. या यशाचे औचित्य साधून सामाजिक कार्यकर्ते व ‘ए वन न्यूज महाराष्ट्र’चे उपसंपादक ज्ञानेश्वर सांगळे यांनी “माझी शाळा वाचली पाहिजे” हा मंत्र जपत विद्यार्थ्यांचे कौतुक केले असून, या उपक्रमाची चर्चा संपूर्ण जिल्ह्यात होत आहे.
जि. प. प्राथमिक शाळा पाचोरे खुर्द येथील इयत्ता ३ री व ४ थीच्या विद्यार्थ्यांनी ग्रामीण भागातील प्रतिकूल परिस्थितीवर मात करत राज्यस्तरीय मंथन परीक्षेत आपली चमक दाखवली. यशस्वी विद्यार्थ्यांची नावे खालीलप्रमाणे आहेत:
आयुष प्रदीप नागरे भाग्यश्री पंढरीनाथ डोमाडे,गौरव गणेश कांदे
तनेश सचिन गंभीरे,सागर अमोल घुगे,साहिल सुनील घुगे
विद्यार्थ्यांच्या या यशात वर्गशिक्षिका श्रीमती देशमुख मॅडम आणि वर्गशिक्षक श्री. किरण बागल सर यांचे अथक परिश्रम आणि योग्य मार्गदर्शनाचा मोठा वाटा आहे.
सध्या खाजगीकरणाच्या ओघात सरकारी शाळांचे अस्तित्व धोक्यात येत आहे. मात्र, ज्ञानेश्वर सांगळे यांनी आपल्या मातृभूमीबद्दल आणि जिल्हा परिषद शाळेबद्दल असलेली कृतज्ञता व्यक्त करत शाळेला भेट दिली. त्यांनी यशस्वी विद्यार्थ्यांना चॉकलेट्स (कॅडबरी) वाटून त्यांचे अभिनंदन केले.
यावेळी बोलताना ते भावूक होऊन म्हणाले,”मी स्वतः जिल्हा परिषद शाळेचा विद्यार्थी आहे. आज अनेक उच्चपदस्थ अधिकारी याच शाळांतून घडले आहेत. सरकारी शाळा बंद पाडण्याचे प्रयत्न होत असताना आपण सर्वांनी ‘माझी शाळा वाचली पाहिजे’ ही लोकचळवळ उभी करणे गरजेचे आहे. ग्रामीण भागातील मुलांमध्ये अफाट बुद्धिमत्ता आहे, त्यांना फक्त प्रोत्साहनाची गरज आहे.”
जिल्हा परिषद शाळांच्या सक्षमीकरणासाठी खालील वैशिष्ट्ये महत्त्वाची ठरत आहेत.
तज्ज्ञ शिक्षक, अत्यंत कठीण TET/TAIT परीक्षा उत्तीर्ण झालेले अनुभवी शिक्षक.स्पर्धा परीक्षा | नवोदय, स्कॉलरशिप व मंथन परीक्षांचे मोफत मार्गदर्शन. डिजिटल शिक्षण | अनेक शाळांमध्ये आधुनिक प्रोजेक्टर व संगणक लॅबची सुविधा.मोफत सुविधा | गणवेश, पाठ्यपुस्तके आणि पोषण आहाराचा थेट लाभ. क्रीडा व संस्कृती | जिल्हा व राज्यस्तरीय स्पर्धांमध्ये सहभागी होण्याची मोठी संधी. सामाजिक बांधिलकीचा नवा आदर्श समाजात निर्माण झाला आहे.
शासकीय स्तरावर शाळांच्या बाबतीत अनास्था दिसत असताना, सांगळे यांच्यासारख्या पत्रकारांनी आणि सामाजिक कार्यकर्त्यांनी घेतलेली ही भूमिका जिल्हा परिषद शाळांच्या सक्षमीकरणासाठी अत्यंत महत्त्वाची ठरणार आहे. “ग्रामीण भागातील पालकांनी आपल्या पाल्यांना जिल्हा परिषद शाळेतच प्रवेश देऊन या ज्ञानमंदिरांचे जतन करावे,” असे आवाहनही यावेळी करण्यात आले.
या यशाबद्दल पाचोरे खुर्द ग्रामस्थांनी सर्व यशस्वी विद्यार्थी आणि मार्गदर्शक शिक्षकांचे मनःपूर्वक अभिनंदन केले आहे.
“जिल्हा परिषदेची शाळा, प्रगतीचा आगळावेगळा लळा! गुणवत्ता आमचा ध्यास, जि. प. शाळेचा नवा विश्वास!”
Author: Aone News Maharashtra
जनतेच्या न्याय हक्का साठी Aone News Maharashtra aonenewsmaharashtra.in आपले स्वागत आहे! आम्ही एक अग्रगण्य आणि विश्वासार्ह बातम्या प्रकाशक आहोत, जे तुम्हाला ताज्या बातम्या, क्रीडा, विज्ञान, तंत्रज्ञान, मनोरंजन, आरोग्य आणि इतर महत्त्वाच्या घटनांबद्दल अपडेट्स पुरवत आहेत. तुम्हाला अचूक आणि विश्वासार्ह बातम्या देण्याचा आमचा उद्देश आहे, जेणेकरून तुम्ही जगात काय चालले आहे ते जाणून घेऊ शकता.आमच्या कार्यसंघामध्ये अनुभवी पत्रकार, लेखक आणि वृत्त व्यावसायिकांचा समावेश आहे ज्यांना त्यांच्या क्षेत्रातील कौशल्य आहे आणि ते तुम्हाला सर्वोत्तम बातम्या सेवा देण्यासाठी वचनबद्ध आहेत. आम्ही सचोटीने, न्यायाने आणि स्वातंत्र्याने बातम्या प्रकाशित करतो, जेणेकरून तुम्हाला आमच्याद्वारे खरी आणि निर्णायक माहिती मिळू शकेल. बातम्या आणि माहितीच्या माध्यमातून समाजाला शिक्षित करणे, समृद्धी आणि प्रगतीकडे मार्गदर्शन करणे हे आमचे ध्येय आहे.आम्ही तुम्हाला नेहमीच पाठिंबा देण्यासाठी येथे आहोत आणि आम्ही तुमच्या सूचना आणि अभिप्रायाचे स्वागत करतो.आम्ही तुम्हाला बातम्यांच्या जगात अद्ययावत राहण्यात मदत करूतो, आमच्या वेबसाइटला भेट दिल्याबद्दल धन्यवाद.......
