नाशिक | १५ ऑगस्ट २०२६
प्रतिनिधी:ए वन न्युज महाराष्ट्र
नाशिकमध्ये ऑनलाइन क्विक-कॉमर्स कंपनी Zeptoच्या गोदामावर अन्न व औषध प्रशासनाने (FDA) कारवाई केली आहे. तपासणीदरम्यान अन्नपदार्थांच्या साठवणुकीसह स्वच्छता व आरोग्यविषयक नियमांचे उल्लंघन आढळल्याने संबंधित अन्न व्यवसायाचा परवाना तात्पुरता निलंबित करण्यात आला आहे.
FDAच्या पथकाने Zeptoच्या नाशिकमधील गोदामाची तपासणी केली असता अन्नपदार्थांची योग्य पद्धतीने साठवणूक न करणे, स्वच्छतेचा अभाव आणि अन्न हाताळणी व साठवण प्रक्रियेत आवश्यक नियमांचे पालन न केल्याचे निदर्शनास आले. त्यामुळे ग्राहकांच्या आरोग्याच्या दृष्टीने FDAने कठोर भूमिका घेत परवाना निलंबित करण्याची कारवाई केली.
महाराष्ट्रभर FDAचा धडाका…
दरम्यान, महाराष्ट्र FDAकडून क्विक-कॉमर्स क्षेत्रातील गोदामांची विशेष तपासणी मोहीम सुरू आहे. या मोहिमेत Zepto, Blinkit आणि Swiggy Instamartशी संबंधित अनेक ठिकाणी स्वच्छता व अन्नसुरक्षा नियमांतील त्रुटी आढळल्या असून अनेक परवाने निलंबित करण्यात आले आहेत. काही ठिकाणी झुरळांचा प्रादुर्भाव, खराब किंवा मुदतबाह्य अन्नपदार्थ आणि अयोग्य साठवणूक यांसारख्या गंभीर बाबी आढळल्याचे अहवालात नमूद आहे.
ग्राहकांच्या आरोग्याचा प्रश्न ऐरणीवर…
क्विक-कॉमर्स कंपन्यांकडून काही मिनिटांत किराणा व खाद्यपदार्थ ग्राहकांपर्यंत पोहोचवले जात असताना, त्याआधी या वस्तूंची साठवणूक कोणत्या परिस्थितीत केली जाते, याकडे FDAने लक्ष केंद्रित केले आहे. नाशिकमधील कारवाईमुळे शहरातील अशा गोदामांमधील अन्नसाठवणूक व स्वच्छता व्यवस्थेवरही प्रश्न उपस्थित झाले आहेत.
FDAकडून नियमांचे पालन होईपर्यंत संबंधित परवान्यावर निलंबनाची कारवाई कायम राहू शकते. त्यामुळे अन्न व्यवसाय करणाऱ्या ऑनलाइन प्लॅटफॉर्मना स्वच्छता, तापमान नियंत्रण, अन्नसाठवणूक, कीड-नियंत्रण आणि अन्नसुरक्षा नियमांचे काटेकोर पालन करणे आवश्यक आहे.
ए वन न्यूज महाराष्ट्र — सत्य • वेगवान • विश्वासार्ह
Author: Aone News Maharashtra
जनतेच्या न्याय हक्का साठी Aone News Maharashtra aonenewsmaharashtra.in आपले स्वागत आहे! आम्ही एक अग्रगण्य आणि विश्वासार्ह बातम्या प्रकाशक आहोत, जे तुम्हाला ताज्या बातम्या, क्रीडा, विज्ञान, तंत्रज्ञान, मनोरंजन, आरोग्य आणि इतर महत्त्वाच्या घटनांबद्दल अपडेट्स पुरवत आहेत. तुम्हाला अचूक आणि विश्वासार्ह बातम्या देण्याचा आमचा उद्देश आहे, जेणेकरून तुम्ही जगात काय चालले आहे ते जाणून घेऊ शकता.आमच्या कार्यसंघामध्ये अनुभवी पत्रकार, लेखक आणि वृत्त व्यावसायिकांचा समावेश आहे ज्यांना त्यांच्या क्षेत्रातील कौशल्य आहे आणि ते तुम्हाला सर्वोत्तम बातम्या सेवा देण्यासाठी वचनबद्ध आहेत. आम्ही सचोटीने, न्यायाने आणि स्वातंत्र्याने बातम्या प्रकाशित करतो, जेणेकरून तुम्हाला आमच्याद्वारे खरी आणि निर्णायक माहिती मिळू शकेल. बातम्या आणि माहितीच्या माध्यमातून समाजाला शिक्षित करणे, समृद्धी आणि प्रगतीकडे मार्गदर्शन करणे हे आमचे ध्येय आहे.आम्ही तुम्हाला नेहमीच पाठिंबा देण्यासाठी येथे आहोत आणि आम्ही तुमच्या सूचना आणि अभिप्रायाचे स्वागत करतो.आम्ही तुम्हाला बातम्यांच्या जगात अद्ययावत राहण्यात मदत करूतो, आमच्या वेबसाइटला भेट दिल्याबद्दल धन्यवाद.......
