नाशिक: जिल्ह्यातील पांगरी बुद्रुक सिन्नर येथील शेतकऱ्यांच्या वहिवाटी रस्त्याचा संघर्ष आता टोकाच्या भूमिकेपर्यंत पोहोचला आहे. बुधवारी, २५ मार्च २०२६ रोजी या प्रकरणी उपजिल्हाधिकाऱ्यांसमोर महत्त्वाची सुनावणी पार पडली, मात्र अद्याप ठोस निकाल जाहीर न झाल्याने शेतकऱ्यांमध्ये संतापाची लाट आहे. “जोपर्यंत रस्ता खुला होत नाही, तोपर्यंत उपोषण मागे घेणार नाही,” असा आक्रमक पवित्रा आंदोलक शेतकऱ्यांनी घेतला आहे. सुनावणी झाली, मात्र निर्णयाची प्रतीक्षा गट नं. १५८, १५९ आणि १६० मधील शेतकऱ्यांच्या हक्काच्या रस्त्यासाठी सुरू असलेल्या या लढ्यात काल प्रशासकीय पातळीवर हालचाल झाली. उपजिल्हाधिकाऱ्यांनी दोन्ही बाजू ऐकून घेतल्या, मात्र अंतिम निकाल राखून ठेवल्याने शेतकऱ्यांची चिंता वाढली आहे. रस्ता बंद असल्याने गव्हाची काढणी आणि ऊस वाहतूक पूर्णपणे ठप्प झाली असून, शेतकऱ्यांचे आर्थिक नुकसान मिनिटागणिक वाढत आहे.
या प्रकरणातील धक्कादायक बाब म्हणजे, प्रशासनाने यापूर्वी माहिती अधिकार (RTI) अर्ज आणि प्रथम अपीलाला कोणताही प्रतिसाद दिला नव्हता. अखेर हतबल झालेल्या शेतकऱ्यांनी राज्य माहिती आयोगाकडे द्वितीय अपील (Reg. No. MHSICBANKID2026E002400) दाखल केले आहे. प्रशासकीय पारदर्शकतेवर प्रश्नचिन्ह उपस्थित होत असतानाच आता सर्वांच्या नजरा उपजिल्हाधिकाऱ्यांच्या निकालाकडे लागल्या आहेत.
आपल्या हक्काच्या रस्त्यासाठी सुरू असलेल्या उपोषणाने आता गंभीर वळण घेतले आहे, आंदोलनादरम्यान दोन शेतकऱ्यांची प्रकृती चिंताजनक झाल्याने त्यांना तातडीने रुग्णालयात दाखल करण्यात आले आहे.
“आमच्या पिकांचे नुकसान होत आहे, आमचे बांधव रुग्णालयात आहेत, पण आम्ही हटणार नाही. निकाल मिळेपर्यंत आणि रस्ता खुला होईपर्यंत उपोषण सुरूच राहील,” असा ठाम निर्धार बाधित शेतकऱ्यांनी व्यक्त केला आहे.
उपोषण करते शेतकऱ्यांच्या प्रमुख मागण्या
उपजिल्हाधिकाऱ्यांनी तातडीने रस्त्याबाबतचा अंतिम निकाल जाहीर करावा.शेतकऱ्यांच्या पिकांच्या नुकसानीला जबाबदार असणाऱ्यांवर कारवाई व्हावी.गट नं. १५८, १५९, १६० मधील वहिवाटीचा रस्ता तात्काळ वाहतुकीसाठी मोकळा करावा.
“सुनावणी घेऊन प्रशासन वेळकाढू धोरण अवलंबत आहे का? असा प्रश्न आम्हाला पडला आहे. शेतात उभा असलेला गहू मातीमोल होत असताना प्रशासन निकालासाठी कसली वाट पाहत आहे?”– बाधित शेतकरी, पांगरी बुद्रुक
प्रशासनाच्या दिरंगाईमुळे शेतकऱ्यांचे हे आंदोलन आता अधिक तीव्र होण्याची शक्यता निर्माण झाली आहे.
पांगरी बुद्रुक, ता. सिन्नर
प्रतिनिधी:भाऊसाहेब हांडोरे,”एवन न्यूज महाराष्ट्र” सिन्नर
Author: Aone News Maharashtra
जनतेच्या न्याय हक्का साठी Aone News Maharashtra aonenewsmaharashtra.in आपले स्वागत आहे! आम्ही एक अग्रगण्य आणि विश्वासार्ह बातम्या प्रकाशक आहोत, जे तुम्हाला ताज्या बातम्या, क्रीडा, विज्ञान, तंत्रज्ञान, मनोरंजन, आरोग्य आणि इतर महत्त्वाच्या घटनांबद्दल अपडेट्स पुरवत आहेत. तुम्हाला अचूक आणि विश्वासार्ह बातम्या देण्याचा आमचा उद्देश आहे, जेणेकरून तुम्ही जगात काय चालले आहे ते जाणून घेऊ शकता.आमच्या कार्यसंघामध्ये अनुभवी पत्रकार, लेखक आणि वृत्त व्यावसायिकांचा समावेश आहे ज्यांना त्यांच्या क्षेत्रातील कौशल्य आहे आणि ते तुम्हाला सर्वोत्तम बातम्या सेवा देण्यासाठी वचनबद्ध आहेत. आम्ही सचोटीने, न्यायाने आणि स्वातंत्र्याने बातम्या प्रकाशित करतो, जेणेकरून तुम्हाला आमच्याद्वारे खरी आणि निर्णायक माहिती मिळू शकेल. बातम्या आणि माहितीच्या माध्यमातून समाजाला शिक्षित करणे, समृद्धी आणि प्रगतीकडे मार्गदर्शन करणे हे आमचे ध्येय आहे.आम्ही तुम्हाला नेहमीच पाठिंबा देण्यासाठी येथे आहोत आणि आम्ही तुमच्या सूचना आणि अभिप्रायाचे स्वागत करतो.आम्ही तुम्हाला बातम्यांच्या जगात अद्ययावत राहण्यात मदत करूतो, आमच्या वेबसाइटला भेट दिल्याबद्दल धन्यवाद.......
