🩸 पर्यावरण रक्षणासाठी ‘रक्तदान’: 🩸नाशिककरांकडून ‘झाडे तोडू नका’चा तीव्र संदेश !

  ज्ञानेश्वर सांगळे,नाशिक
नाशिक: तपोवन येथील प्रस्तावित विकास प्रकल्पांतर्गत झाडे तोडण्याच्या प्रशासकीय निर्णयाला तीव्र विरोध दर्शवत, पर्यावरणप्रेमी नाशिककर नागरिकांनी आज मंगळवार, ९ डिसेंबर २०२५ रोजी तपोवन येथे ‘भव्य रक्तदान शिबिरा’चे आयोजन केले. “सरकार, आमचे रक्त घ्या, पण झाडे तोडू नका!” या भावनिक आणि अत्यंत महत्त्वाच्या संदेशासह नाशिककरांनी आपले पर्यावरण प्रेम कृतीतून सिद्ध केले.

   ‘पर्यावरण विरुद्ध प्रशासन’ वाद, राजकारण न करण्याची विनंती
या आंदोलनाला राजकीय स्वरूप येऊ नये यासाठी आयोजकांनी विशेष काळजी घेतली. नाशिककर विरुद्ध भाजपा अशी ही लढाई नसून, ‘पर्यावरण विरुद्ध प्रशासन’ असा हा वाद आहे. यामध्ये कोणीही राजकारण करू नये, असे आवाहन पर्यावरणप्रेमी नागरिकांनी यावेळी केले. तपोवन आणि निसर्गावर प्रेम करणाऱ्या सर्वांनी एकत्र येऊन प्रशासनाकडे आणि सरकारकडे निसर्गाचे महत्त्व पोहोचवण्याचा प्रयत्न या रक्तदान शिबिराच्या माध्यमातून केला.

   या शिबिराला विविध क्षेत्रातील नाशिककरांचा उत्स्फूर्त प्रतिसाद मिळाला असून मंगळवार, ९ डिसेंबर २०२५ रोजी सकाळी ११ वाजता आयोजित केलेल्या या शिबिरात नाशिककरांनी मोठ्या संख्येने सहभाग नोंदवला होता. यावेळी प्रहार जनशक्ती पक्ष तसेच सामाजिक कार्यकर्ते दत्ताभाऊ बोडके, रुपेश परदेशी, श्याम गोसावी, जगन काकडे, ज्ञानेश्वर सांगळे, किरण पानकर, संदीप शर्मा, मुकेश गांगुर्डे, पंकज बैरागी, विशाल पाटील, प्रकाश बर्वे इत्यादी अनेक नागरिकांनी स्वतः रक्तदान करून ‘झाडे वाचवा’ या मोहिमेला पाठिंबा दिला.
   यावेळी पर्यावरणप्रेमी भारती जाधव, रोहन देशपांडे, निशीकांत पगारे, योगेश बर्वे, ललित पवार, दत्ता कांगणे यांच्यासह अनेक नाशिककर नागरिक उपस्थित होते.

   संपूर्ण शिबिरातून “झाडे वाचवा – तपोवन वाचवा – नाशिक वाचवा” हा संदेश सातत्याने देण्यात येत होता. नाशिककरांचे म्हणणे आहे की, विकासाच्या नावाखाली निसर्गाची हानी करणे हे भविष्यात शहरासाठी मोठे संकट निर्माण करू शकते. त्यामुळे प्रशासनाने विकास आराखड्याचा फेरविचार करून तपोवनातील झाडे वाचवावीत, अशी त्यांची मागणी आहे असून हा प्रमुख संदेश सरकारला देण्यात आला.
  हा विरोध नाशिकच्या पर्यावरणीय लढ्याला एक नवी दिशा देणारा ठरला.

Author: Aone News Maharashtra

जनतेच्या न्याय हक्का साठी Aone News Maharashtra aonenewsmaharashtra.in आपले स्वागत आहे! आम्ही एक अग्रगण्य आणि विश्वासार्ह बातम्या प्रकाशक आहोत, जे तुम्हाला ताज्या बातम्या, क्रीडा, विज्ञान, तंत्रज्ञान, मनोरंजन, आरोग्य आणि इतर महत्त्वाच्या घटनांबद्दल अपडेट्स पुरवत आहेत. तुम्हाला अचूक आणि विश्वासार्ह बातम्या देण्याचा आमचा उद्देश आहे, जेणेकरून तुम्ही जगात काय चालले आहे ते जाणून घेऊ शकता.आमच्या कार्यसंघामध्ये अनुभवी पत्रकार, लेखक आणि वृत्त व्यावसायिकांचा समावेश आहे ज्यांना त्यांच्या क्षेत्रातील कौशल्य आहे आणि ते तुम्हाला सर्वोत्तम बातम्या सेवा देण्यासाठी वचनबद्ध आहेत. आम्ही सचोटीने, न्यायाने आणि स्वातंत्र्याने बातम्या प्रकाशित करतो, जेणेकरून तुम्हाला आमच्याद्वारे खरी आणि निर्णायक माहिती मिळू शकेल. बातम्या आणि माहितीच्या माध्यमातून समाजाला शिक्षित करणे, समृद्धी आणि प्रगतीकडे मार्गदर्शन करणे हे आमचे ध्येय आहे.आम्ही तुम्हाला नेहमीच पाठिंबा देण्यासाठी येथे आहोत आणि आम्ही तुमच्या सूचना आणि अभिप्रायाचे स्वागत करतो.आम्ही तुम्हाला बातम्यांच्या जगात अद्ययावत राहण्यात मदत करूतो, आमच्या वेबसाइटला भेट दिल्याबद्दल धन्यवाद.......