कॅन्सरवर ‘मंत्राच्या पाण्याचा’ उपचार? निफाडमध्ये भोंदूगिरीचा पर्दाफाश करण्यासाठी पोलिसांत धाव…

प्रतिनिधी नाशिक
निफाड (नाशिक):विज्ञानाच्या युगात आजही काही ठिकाणी अंधश्रद्धेचा बाजार मांडून रुग्णांच्या जिवाशी खेळ सुरू असल्याचे धक्कादायक वास्तव समोर आले आहे. निफाड तालुक्यातील शिवडी येथे ‘मंत्राच्या पाण्या’द्वारे कॅन्सर आणि इतर गंभीर आजार बरे करण्याचा दावा करणाऱ्या एका भोंदूबाबावर कारवाई करण्यासाठी आता पोलिसांत निवेदन देण्यात आले आहे.

मिळालेल्या माहितीनुसार, शिवडी (ता. निफाड) येथील अमोल दरेकर(ज्यांना गुरुवर्य सिद्ध स्वामित देव उर्फ तात्याबाबा दरेकर या नावाने ओळखले जाते) हे व्यक्ती कोणत्याही शास्त्रीय आधाराशिवाय कॅन्सरसारख्या दुर्धर आजारांवर उपचार करत असल्याचा दावा करत आहेत. विशेष म्हणजे, ‘मंत्रालेले पाणी’ देऊन हे उपचार केले जात असल्याचे समोर आले आहे.
या संदर्भात परिसरात जाहिरातीचे पोस्टर्स देखील लावण्यात आले असून, लोकांची दिशाभूल केली जात असल्याचा आरोप करण्यात आला आहे. अमोल दरेकर यांच्यासोबत त्यांचे साथीदार राजेश आहेर हे देखील या कामात सक्रिय असल्याचे तक्रार पत्रात नमूद करण्यात आले आहे.

या गंभीर प्रकाराची दखल घेत अंधश्रद्धा निर्मूलन कार्यकर्त्यांनी निफाड तालुका पोलीस स्टेशन गाठले. वरिष्ठ पोलीस निरीक्षकांना दिलेल्या निवेदनात खालील मागण्या करण्यात आल्या आहेत:
  जादूटोणाविरोधी कायद्यांतर्गत प्रत्येक पोलीस स्टेशनमध्ये ‘दक्षता अधिकारी’ नेमण्याची तरतूद आहे. अशा भोंदूबाबांवर कारवाई करणे ही या अधिकाऱ्यांची जबाबदारी आहे.
संबंधित व्यक्तींना पोलीस स्टेशनमध्ये बोलावून त्यांची सखोल चौकशी करावी आणि ते करत असलेले अघोरी व अवैज्ञानिक प्रकार थांबवावेत.
  या कृत्याबद्दल त्यांना कायद्याचा धाक दाखवून त्यांच्याकडून लेखी माफीनामा लिहून घ्यावा, जेणेकरून भविष्यात कोणाच्या जिवावर बेतणार नाही.
कॅन्सरसारख्या गंभीर आजारावर वेळीच वैद्यकीय उपचार मिळणे आवश्यक असते. मात्र, अशा भोंदूगिरीच्या नादाला लागून अनेक रुग्ण आपला मौल्यवान वेळ आणि पैसा वाया घालवतात, ज्याचा शेवट अनेकदा मृत्यूमध्ये होतो. “रुग्णांच्या असहायतेचा फायदा घेणाऱ्या अशा प्रवृत्तींना वेळीच चाप लावणे गरजेचे आहे,” असे मत सुज्ञ नागरिकांमधून व्यक्त होत आहे.

नागरिकांनी कोणत्याही प्रकारच्या चमत्कारी दाव्यांना बळी न पडता अधिकृत डॉक्टरांकडूनच उपचार घ्यावेत, असे आवाहन करण्यात येत आहे.

Author: Aone News Maharashtra

जनतेच्या न्याय हक्का साठी Aone News Maharashtra aonenewsmaharashtra.in आपले स्वागत आहे! आम्ही एक अग्रगण्य आणि विश्वासार्ह बातम्या प्रकाशक आहोत, जे तुम्हाला ताज्या बातम्या, क्रीडा, विज्ञान, तंत्रज्ञान, मनोरंजन, आरोग्य आणि इतर महत्त्वाच्या घटनांबद्दल अपडेट्स पुरवत आहेत. तुम्हाला अचूक आणि विश्वासार्ह बातम्या देण्याचा आमचा उद्देश आहे, जेणेकरून तुम्ही जगात काय चालले आहे ते जाणून घेऊ शकता.आमच्या कार्यसंघामध्ये अनुभवी पत्रकार, लेखक आणि वृत्त व्यावसायिकांचा समावेश आहे ज्यांना त्यांच्या क्षेत्रातील कौशल्य आहे आणि ते तुम्हाला सर्वोत्तम बातम्या सेवा देण्यासाठी वचनबद्ध आहेत. आम्ही सचोटीने, न्यायाने आणि स्वातंत्र्याने बातम्या प्रकाशित करतो, जेणेकरून तुम्हाला आमच्याद्वारे खरी आणि निर्णायक माहिती मिळू शकेल. बातम्या आणि माहितीच्या माध्यमातून समाजाला शिक्षित करणे, समृद्धी आणि प्रगतीकडे मार्गदर्शन करणे हे आमचे ध्येय आहे.आम्ही तुम्हाला नेहमीच पाठिंबा देण्यासाठी येथे आहोत आणि आम्ही तुमच्या सूचना आणि अभिप्रायाचे स्वागत करतो.आम्ही तुम्हाला बातम्यांच्या जगात अद्ययावत राहण्यात मदत करूतो, आमच्या वेबसाइटला भेट दिल्याबद्दल धन्यवाद.......