🔴नाशिकमध्ये दिव्यांग सक्षमीकरणाचा भव्य महोत्सव..!
रेड स्वस्तिक सोसायटीच्या पुढाकाराने 400 दिव्यांगांना कृत्रिम अवयव; 26 फेब्रुवारीला मान्यवरांच्या हस्ते उद्घाटन

नाशिक | प्रतिनिधी (Aone News Maharashtra)

दिव्यांग बांधवांना स्वावलंबन, आत्मविश्वास आणि नव्या आयुष्याची दिशा देणारा भव्य दिव्यांग तथा गतिमंद सक्षमीकरण सोहळा नाशिकमध्ये आयोजित करण्यात आला आहे. रेड स्वस्तिक सोसायटी, नाशिक यांच्या वतीने, कोटक महिंद्रा बँक यांच्या CSR सहकार्याने तसेच भगवान महावीर विकलांग सहायता समिती, मुंबई (BMVSS जयपूर फूट) यांच्या विशेष सहकार्याने हा दोन दिवसीय उपक्रम राबविण्यात येत आहे.
या विशेष शिबिरात सुमारे 400 दिव्यांग बांधवांना मोफत कृत्रिम अवयव व सहाय्यक साधनांचे वितरण करण्यात येणार आहे. यामध्ये जयपूर फूट, कॅलिपर, ट्रायसायकल, कृत्रिम हात, कॅन आदी उपकरणे तज्ज्ञ डॉक्टरांच्या मार्गदर्शनाखाली बसवून दिली जाणार आहेत.
या उपक्रमामुळे दिव्यांगांना दैनंदिन जीवन अधिक सुलभ होऊन स्वाभिमानाने उभे राहण्याची नवी संधी मिळणार आहे .
बुधवार, 26 फेब्रुवारी 2025 रोजी सकाळी 11 वाजता उद्घाटन सोहळा, अटल दिव्यांग भवन, हॉटेल छत्रमागे, नाईन प्लस हॉस्पिटल समोर, मुंबई नाका, नाशिक येथे  पार पडणार आहे. यावेळी उद्घाटक:सौ. हिमगौरीताई आहेर जाखडे (महापौर, नाशिक महानगरपालिका) असणार असून,विशेष उपस्थिती:
श्री. नितीन नेर साहेब (समाजकल्याण विभाग, मनपा) आहे.
प्रमुख उपस्थिती:सौ. रूपालीताई निकुळे (नगरसेवक)
सौ. मंगलाताई नखवे (नगरसेवक)सौ. संध्याताई कुलकर्णी (नगरसेवक)श्री. चंद्रकांत खोडे (नगरसेवक)
कार्यक्रमाचे अध्यक्ष:श्री. नारायणजी व्यास (मुख्य व्यवस्थापक, भगवान महावीर विकलांग केंद्र, मुंबई) असणार असल्याचे सांगण्यात आले आहे.
रेड स्वस्तिक सोसायटीने गेली अनेक वर्षे सामाजिक क्षेत्रात उल्लेखनीय कार्य केले आहे. दिव्यांग बांधवांच्या जीवनात सकारात्मक बदल घडवून आणण्यासाठी हा उपक्रम समर्पित असल्याचे आयोजकांनी सांगितले.
“हात देऊ या साथ चालण्यासाठी, विश्वास देऊ या उंच भरारीसाठी; मर्यादा नाहीत त्यांच्या क्षमतेला, फक्त साथ हवी नव्या उभारीसाठी,”अशी भावना आयोजकांनी व्यक्त केली.
या कार्यक्रमासाठी संस्थेचे कार्यकारी अध्यक्ष श्री. जे. बी. पाटील, अध्यक्ष श्री. नारायण धीरसागर तसेच श्री. मिलिंद खानोरे, श्री. डॉ. उल्हास कुटे, श्री. योगेश मोरे, श्री. विलास सोनवणे, श्री. प्रभाकर रायते आदींसह रेड स्वस्तिक सोसायटी परिवाराचे विशेष योगदान लाभले आहे.
दिव्यांगांच्या जीवनात स्वावलंबन आणि आत्मसन्मान निर्माण करणारा हा उपक्रम केवळ वैद्यकीय मदत नसून, एक सामाजिक क्रांती ठरत आहे. नाशिक शहरासाठी हा सक्षमीकरणाचा सोहळा प्रेरणादायी ठरणार आहे. यावेळी जास्तीत जास्त नागरिकांनी उपस्थित राहण्याचे आवाहन करण्यात आले आहे.
 
   .             Aone News Maharashtra
          “सत्य, सेवा आणि समाजहितासाठी कटिबद्ध”

Author: Aone News Maharashtra

जनतेच्या न्याय हक्का साठी Aone News Maharashtra aonenewsmaharashtra.in आपले स्वागत आहे! आम्ही एक अग्रगण्य आणि विश्वासार्ह बातम्या प्रकाशक आहोत, जे तुम्हाला ताज्या बातम्या, क्रीडा, विज्ञान, तंत्रज्ञान, मनोरंजन, आरोग्य आणि इतर महत्त्वाच्या घटनांबद्दल अपडेट्स पुरवत आहेत. तुम्हाला अचूक आणि विश्वासार्ह बातम्या देण्याचा आमचा उद्देश आहे, जेणेकरून तुम्ही जगात काय चालले आहे ते जाणून घेऊ शकता.आमच्या कार्यसंघामध्ये अनुभवी पत्रकार, लेखक आणि वृत्त व्यावसायिकांचा समावेश आहे ज्यांना त्यांच्या क्षेत्रातील कौशल्य आहे आणि ते तुम्हाला सर्वोत्तम बातम्या सेवा देण्यासाठी वचनबद्ध आहेत. आम्ही सचोटीने, न्यायाने आणि स्वातंत्र्याने बातम्या प्रकाशित करतो, जेणेकरून तुम्हाला आमच्याद्वारे खरी आणि निर्णायक माहिती मिळू शकेल. बातम्या आणि माहितीच्या माध्यमातून समाजाला शिक्षित करणे, समृद्धी आणि प्रगतीकडे मार्गदर्शन करणे हे आमचे ध्येय आहे.आम्ही तुम्हाला नेहमीच पाठिंबा देण्यासाठी येथे आहोत आणि आम्ही तुमच्या सूचना आणि अभिप्रायाचे स्वागत करतो.आम्ही तुम्हाला बातम्यांच्या जगात अद्ययावत राहण्यात मदत करूतो, आमच्या वेबसाइटला भेट दिल्याबद्दल धन्यवाद.......