प्रतिनिधी:गोरख कसबे नाशिक गंगापूर
नाशिक:गंगापूर धरण परिसरात आज आकाशात अवतरला थरार, शौर्य आणि देशभक्तीचा अभिमान!
२२ व २३ जानेवारी २०२६ रोजी गंगापूर धरण परिसर येथे भव्य आणि नेत्रदीपक ‘सूर्यकिरण एअर शो’ चे आयोजन करण्यात आले असून, या शोने नागरिकांना अक्षरशः मंत्रमुग्ध केले.
भारतीय हवाई दलाच्या सूर्यकिरण एरोबॅटिक टीमने सादर केलेल्या या एअर शोमध्ये नऊ फायटर जेट्सनी एकाच वेळी आकाशात झेप घेत अविश्वसनीय आणि चित्तथरारक हवाई कसरती सादर केल्या.
आकाशात तयार होणाऱ्या विविध आकृती, वेगवान झेप, अचूक समन्वय आणि धाडसी स्टंट्स पाहून उपस्थित प्रेक्षक थक्क झाले.
या भव्य कार्यक्रमाला पाहण्यासाठी शालेय विद्यार्थी, युवक-युवती, आजी-माजी सैन्य अधिकारी, देशभक्त नागरिक तसेच स्थानिक ग्रामस्थांनी मोठ्या प्रमाणात गर्दी केली होती.
विशेषतः विद्यार्थ्यांमध्ये भारतीय हवाई दलाबद्दल प्रचंड उत्सुकता आणि अभिमानाची भावना दिसून आली.
एअर शोदरम्यान भारताच्या तिरंग्याचे रंग आकाशात उमटवणाऱ्या कसरतींना प्रेक्षकांकडून जोरदार टाळ्यांचा कडकडाट आणि ‘भारत माता की जय’च्या घोषणांनी दाद मिळाली.
हा केवळ एअर शो नसून, देशाच्या सुरक्षेसाठी अहोरात्र कार्य करणाऱ्या हवाई दलाच्या शौर्याला सलाम करणारा क्षण असल्याची भावना उपस्थितांमध्ये होती.
कार्यक्रमाच्या सुरक्षिततेसाठी प्रशासन, पोलीस यंत्रणा आणि स्वयंसेवकांनी चोख बंदोबस्त ठेवला होता. संपूर्ण परिसरात शिस्तबद्ध आणि उत्साहपूर्ण वातावरण पाहायला मिळाले.
गंगापूर धरण परिसरात प्रथमच एवढ्या मोठ्या प्रमाणावर झालेल्या या एअर शोमुळे नाशिक जिल्ह्याच्या वैभवात आणखी भर पडली असून, नागरिकांसाठी हा अनुभव आयुष्यभर लक्षात राहणारा ठरला आहे.
सत्य,वेगवान आणि विश्वासार्ह बातमीसाठी
एवन न्यूज महाराष्ट्र
Author: Aone News Maharashtra
जनतेच्या न्याय हक्का साठी Aone News Maharashtra aonenewsmaharashtra.in आपले स्वागत आहे! आम्ही एक अग्रगण्य आणि विश्वासार्ह बातम्या प्रकाशक आहोत, जे तुम्हाला ताज्या बातम्या, क्रीडा, विज्ञान, तंत्रज्ञान, मनोरंजन, आरोग्य आणि इतर महत्त्वाच्या घटनांबद्दल अपडेट्स पुरवत आहेत. तुम्हाला अचूक आणि विश्वासार्ह बातम्या देण्याचा आमचा उद्देश आहे, जेणेकरून तुम्ही जगात काय चालले आहे ते जाणून घेऊ शकता.आमच्या कार्यसंघामध्ये अनुभवी पत्रकार, लेखक आणि वृत्त व्यावसायिकांचा समावेश आहे ज्यांना त्यांच्या क्षेत्रातील कौशल्य आहे आणि ते तुम्हाला सर्वोत्तम बातम्या सेवा देण्यासाठी वचनबद्ध आहेत. आम्ही सचोटीने, न्यायाने आणि स्वातंत्र्याने बातम्या प्रकाशित करतो, जेणेकरून तुम्हाला आमच्याद्वारे खरी आणि निर्णायक माहिती मिळू शकेल. बातम्या आणि माहितीच्या माध्यमातून समाजाला शिक्षित करणे, समृद्धी आणि प्रगतीकडे मार्गदर्शन करणे हे आमचे ध्येय आहे.आम्ही तुम्हाला नेहमीच पाठिंबा देण्यासाठी येथे आहोत आणि आम्ही तुमच्या सूचना आणि अभिप्रायाचे स्वागत करतो.आम्ही तुम्हाला बातम्यांच्या जगात अद्ययावत राहण्यात मदत करूतो, आमच्या वेबसाइटला भेट दिल्याबद्दल धन्यवाद.......
