🚧 धामोरीत वाहतूक सुरक्षेला प्राधान्य! ग्रामपंचायतीकडून स्पीड ब्रेकर उभारणी; नागरिक व व्यावसायिकांमध्ये समाधान…

धामोरी (प्रतिनिधी : दत्तात्रय घुले)

कोपरगाव : तालुक्यातील प्रमुख बाजारपेठ म्हणून ओळखल्या जाणाऱ्या धामोरी गावात वाहनांची वाढती वर्दळ लक्षात घेऊन ग्रामपंचायत प्रशासनाने महत्त्वपूर्ण पाऊल उचलले आहे. गावातील विविध ठिकाणी स्पीड ब्रेकर (गतिरोधक) उभारण्यात आल्याने वाहनांच्या वेगावर नियंत्रण येण्यास मदत होणार असून नागरिक व व्यावसायिकांमधून समाधान व्यक्त करण्यात येत आहे.

धामोरी हे व्यापारी, शैक्षणिक आणि सामाजिक दृष्ट्या महत्त्वाचे गाव असल्याने येथे दररोज दुचाकी, तीनचाकी, चारचाकी तसेच अवजड वाहनांची मोठ्या प्रमाणात ये-जा होत असते. अनेकदा भरधाव वाहनांमुळे अपघाताचा धोका निर्माण होत असल्याने वाहनांच्या वेगावर नियंत्रण ठेवण्याची मागणी नागरिकांकडून केली जात होती.

या पार्श्वभूमीवर धामोरी ग्रामपंचायतीच्या प्रशासकीय अधिकाऱ्यांच्या मार्गदर्शनाखाली गावातील महत्त्वाच्या ठिकाणी स्पीड ब्रेकर उभारण्याचे काम पूर्ण करण्यात आले आहे. यामध्ये मुख्य प्रवेशद्वार वेस कमान परिसर, युनियन बँक रोड, नवनाथ नगर मार्ग, भैरवनाथ मंदिर चौक, पोस्ट ऑफिस कार्यालय परिसर, जिल्हा परिषद प्राथमिक शाळेजवळील रस्ता तसेच धामोरी बसस्थानक परिसर यांचा समावेश आहे.

विशेषतः शाळा, मंदिर, बसस्थानक आणि बाजारपेठेच्या परिसरात गतिरोधक उभारल्यामुळे पादचारी, विद्यार्थी, ज्येष्ठ नागरिक आणि महिलांच्या सुरक्षिततेत वाढ होणार असल्याचे मत ग्रामस्थांनी व्यक्त केले आहे. तसेच वाहनचालकांना वेग मर्यादेत वाहन चालविण्यास भाग पडणार असल्याने अपघातांचे प्रमाण कमी होण्यास मदत होईल, अशी अपेक्षा व्यक्त केली जात आहे.

धामोरी ग्रामपंचायतीने राबविलेल्या या उपक्रमाचे गावातील नागरिक, व्यापारी आणि विविध सामाजिक घटकांकडून स्वागत करण्यात येत असून प्रशासकीय अधिकाऱ्यांचे कौतुक केले जात आहे. गावातील वाहतूक व्यवस्था अधिक सुरक्षित आणि शिस्तबद्ध करण्याच्या दृष्टीने हा निर्णय महत्त्वाचा ठरत असल्याची भावना ग्रामस्थांनी व्यक्त केली.

वाहतूक सुरक्षेला चालना देणाऱ्या या उपक्रमामुळे धामोरी ग्रामपंचायतीने नागरिकांच्या सुरक्षिततेला प्राधान्य दिल्याचे पुन्हा एकदा सिद्ध झाले आहे.

Author: Aone News Maharashtra

जनतेच्या न्याय हक्का साठी Aone News Maharashtra aonenewsmaharashtra.in आपले स्वागत आहे! आम्ही एक अग्रगण्य आणि विश्वासार्ह बातम्या प्रकाशक आहोत, जे तुम्हाला ताज्या बातम्या, क्रीडा, विज्ञान, तंत्रज्ञान, मनोरंजन, आरोग्य आणि इतर महत्त्वाच्या घटनांबद्दल अपडेट्स पुरवत आहेत. तुम्हाला अचूक आणि विश्वासार्ह बातम्या देण्याचा आमचा उद्देश आहे, जेणेकरून तुम्ही जगात काय चालले आहे ते जाणून घेऊ शकता.आमच्या कार्यसंघामध्ये अनुभवी पत्रकार, लेखक आणि वृत्त व्यावसायिकांचा समावेश आहे ज्यांना त्यांच्या क्षेत्रातील कौशल्य आहे आणि ते तुम्हाला सर्वोत्तम बातम्या सेवा देण्यासाठी वचनबद्ध आहेत. आम्ही सचोटीने, न्यायाने आणि स्वातंत्र्याने बातम्या प्रकाशित करतो, जेणेकरून तुम्हाला आमच्याद्वारे खरी आणि निर्णायक माहिती मिळू शकेल. बातम्या आणि माहितीच्या माध्यमातून समाजाला शिक्षित करणे, समृद्धी आणि प्रगतीकडे मार्गदर्शन करणे हे आमचे ध्येय आहे.आम्ही तुम्हाला नेहमीच पाठिंबा देण्यासाठी येथे आहोत आणि आम्ही तुमच्या सूचना आणि अभिप्रायाचे स्वागत करतो.आम्ही तुम्हाला बातम्यांच्या जगात अद्ययावत राहण्यात मदत करूतो, आमच्या वेबसाइटला भेट दिल्याबद्दल धन्यवाद.......