सिन्नर APMC आवारात भाजी-फळभाजी लिलावाला सुरुवात; आश्वासनपूर्तीने शेतकऱ्यांना दिलासा

प्रतिनिधी:भाऊसाहेब हांडोरे,सिन्नर
सिन्नर | दि. १६ मे २०२६ — नुकत्याच झालेल्या नगरपालिकेच्या निवडणुकीत दिलेल्या आश्वासनांपैकी एक महत्त्वाचे काम पूर्ण करत, सिन्नरमधील भाजीपाला व फळभाजी बाजाराचा लिलाव आता सिन्नर कृषी उत्पन्न बाजार समिती (APMC) आवारात सुरू झाला आहे. यापूर्वी चौदाचौक वाडा आणि रस्त्यावर भरत असलेल्या या बाजारात शेतकऱ्यांना आवश्यक सुविधा व कायदेशीर संरक्षणाचा अभाव जाणवत होता.
नगराध्यक्ष विठ्ठलराजे उगले यांच्या पुढाकाराने बाजार स्थलांतराची प्रक्रिया गतीने पूर्ण झाली. बाजार समिती प्रशासनाने प्रवेश रस्ता डांबरीकरण, लिलावाच्या जागेचे खडीकरण व डांबरीकरण, प्रकाशयोजना अशा पायाभूत सुविधा उपलब्ध करून दिल्या आहेत. परिणामी, रात्री १२ ते सकाळी १२ या कालावधीत मोठ्या प्रमाणावर येणाऱ्या शेतकऱ्यांना आता सुरक्षित व सुसज्ज जागेत व्यवहार करता येणार आहेत.

रस्त्यावरच्या बाजारात प्रचलित असलेली “१०० जुड्यांवर ७–११ जुडी अतिरिक्त” देण्याची प्रथा यामुळे थांबणार आहे. बाजार आवारात व्यवहार झाल्याने तोल-मोल पारदर्शक होईल आणि शेतकऱ्यांची लुटमारी रोखली जाईल, अशी अपेक्षा व्यक्त होत आहे. प्रारंभी काही व्यापाऱ्यांनी गैरसमजातून विरोध दर्शवला; मात्र शेतकरी व व्यापारी दोघांनाही बाजार फीमध्ये सवलत देण्याचा निर्णय जाहीर करण्यात आला आहे.
सध्या मध्यरात्रीनंतर होणारे लिलाव भविष्यात सकाळी किंवा दुपारनंतर घ्यावेत का, याबाबत प्रत्यक्ष शेतकऱ्यांशी चर्चा करून निर्णय घेतला जाणार आहे. बाजार समितीचे उत्पन्न वाढल्यास त्यातून शेतकऱ्यांसाठी अधिक पायाभूत सुविधा उभारण्याचा मानस व्यक्त करण्यात आला.

बाजार समितीचे सभापती कृष्णा घुमरे यांनी शेतकऱ्यांना आवाहन केले की, यापुढे आपला शेतमाल APMC आवारातच विक्रीसाठी आणावा. बाजार समिती निवडणुकीतील जाहीरनाम्यातील आश्वासनपूर्तीचे समाधान व्यक्त करत त्यांनी ही सुविधा दीर्घकालीन ठरणार असल्याचा विश्वास व्यक्त केला.
या उपक्रमामुळे सिन्नरवासीयांना वारंवार भेडसावणाऱ्या वाहतूक-कोंडी, अस्वच्छता आणि असुरक्षिततेच्या समस्या कमी होतील, तसेच शेतकरी-व्यापारी व्यवहार अधिक शिस्तबद्ध व कायदेशीर चौकटीत येतील, अशी अपेक्षा व्यक्त होत आहे.

Author: Aone News Maharashtra

जनतेच्या न्याय हक्का साठी Aone News Maharashtra aonenewsmaharashtra.in आपले स्वागत आहे! आम्ही एक अग्रगण्य आणि विश्वासार्ह बातम्या प्रकाशक आहोत, जे तुम्हाला ताज्या बातम्या, क्रीडा, विज्ञान, तंत्रज्ञान, मनोरंजन, आरोग्य आणि इतर महत्त्वाच्या घटनांबद्दल अपडेट्स पुरवत आहेत. तुम्हाला अचूक आणि विश्वासार्ह बातम्या देण्याचा आमचा उद्देश आहे, जेणेकरून तुम्ही जगात काय चालले आहे ते जाणून घेऊ शकता.आमच्या कार्यसंघामध्ये अनुभवी पत्रकार, लेखक आणि वृत्त व्यावसायिकांचा समावेश आहे ज्यांना त्यांच्या क्षेत्रातील कौशल्य आहे आणि ते तुम्हाला सर्वोत्तम बातम्या सेवा देण्यासाठी वचनबद्ध आहेत. आम्ही सचोटीने, न्यायाने आणि स्वातंत्र्याने बातम्या प्रकाशित करतो, जेणेकरून तुम्हाला आमच्याद्वारे खरी आणि निर्णायक माहिती मिळू शकेल. बातम्या आणि माहितीच्या माध्यमातून समाजाला शिक्षित करणे, समृद्धी आणि प्रगतीकडे मार्गदर्शन करणे हे आमचे ध्येय आहे.आम्ही तुम्हाला नेहमीच पाठिंबा देण्यासाठी येथे आहोत आणि आम्ही तुमच्या सूचना आणि अभिप्रायाचे स्वागत करतो.आम्ही तुम्हाला बातम्यांच्या जगात अद्ययावत राहण्यात मदत करूतो, आमच्या वेबसाइटला भेट दिल्याबद्दल धन्यवाद.......